Sinti & Roma: Keriptscha usi europitiki kultura te patjarel
Sajt 600 berscha dschin o Sinti taj o Roma andi Europa taj len baro ande fojnipe upri kunst taj kultura hi, phenel o centralrotiskero anglebeschto Romani Rose. Kaj o nacijonalsocijalistischi gondo pal dschumim te ol, te o „europitiko Roma instituto la kunstake taj kulturake“ artschijiptscha taj dokumentacijontscha kerla. I muschika le flogoskere grupnendar le Haydn, Brahms vaj Beethoven ande fojnipeskere gondi use lengeri muschika dija, phenel o Rose.
Adi propagirinen o rechtsekstremi grupn papal o flogoschno gondo. Ham tschak vaschoda dschal, „i difamirung taj stigmatisirung le tschulipendar“. O flogoschno gondo upro „pujsto tschijipe amara demokracijatar taj amare europitike vertiskere sistemistar “ ar dschal, phenel o Rose upro entviklinipe la Germanijatar taj avre europitike schtotendar. O centrakiskero rot aschartscha o kojalicijoniskero arkeripe le keripeske jeka „Unabhängigen Expertenkommission-atar Antiziganismus“