„Ledschim taj pobisterdo. Uso gondolipe upro Romnija taj Roma Batschibatar“

O lejcti bersch Batschibate jek gondolipeskeri tablina le murdarde Romenge kerdi uli. Jek inicijator o teloge taj historikeri Jakob Frühmann sina. Ando söbi bersch pri dipolmakeri buti pedar o Roma Batschibate kertscha. Andar aja buti, harnon i kenva „Verschleppt, verdrängt, vergessen“ ari ali taj Batschibate presentirim uli.

On demand | Roma sam | 26.3.2018

O Frühmann, te ov Batschibatar hi, persenlichi aunpaschlaripe sina, i pobisterdi historija le Romendar Batschibatar upre te butschalinel, vaschoda ov aja tema arodija pra diplomakera butjake.

„Na pal te gondolinel jek bajder keripe la gevoltatar hi“, phenel o Jakob Frühmann. I koja, kaj i historija butvar pal dschumim uli, lek feder te vascho nacijonalsocijalismus gelo, jek artschalajipe sina la inicijacijon la gondolipeskera tablinatar Batschibate taj i kenva.

O Stefan Horvath, saveskeri daj andar Batschibate al, pre literarischi pisiniptscha odoj angle gentscha. O Jakob Frühmann o tekstiskere falati kordinirintscha taj pedar phukatscha soske leske ada palgondolipe barikano hi.

I kenva „Verschleppt, verdrängt, vergessen. Zur Erinnerung an die Romnija und Roma aus Jabing“ ande „Lex Liszt Verlag“ ari ali.

Link
Lex Liszt Verlag