Servus | Szia | Zdravo | Del tuha | 11. feberi | ORF 2 Burgenland

„Me gondolinav, hot o opferengere grupn sa ande jek hajo hi, on o cile opfertscha la söbi idejologijatar sina taj khetan iste gejng asaj koja amen angle terdscharas.“, phenel o aguno presidento Heinz Fischer ando aktujeli ardipe la sendungatar Servus | Szia | Zdravo | Del tuha.

„Akan cajchn te bescharel!“

O khetan gejipe "Akan cajchn te bescharel!“ organisirintscha ada bersch o erschtivar o farajn Romano Centro Betschiste. Gondolim ulo upro befrajninipe le logeristar Auschwitz - Birkenau, andi Polnija, duach o nimci „Rote Armee“.

Gondolim ulo le dschenendar khetan le agune bundakere presidentaha Heinz Fischer taj la Ute Bockaha, la holocaust prik dschivdendar taj cajtakere ceugenatar Helga Feldner-Busztin.

Gondolipeskero mulatintschago upro bombakero atentat

Angle 23. berscha ando 5. feberi schtar terne Roma, duach jek rasistischi motivirti bombakero atentat murdarde ule. Uproda than Erbate, te ada bersch nipo khetan gele, lenge te gondolinel.

Workshop | „Integration Nein danke!“

I historijaha taj i palgondolipeskeri kultura andi Austrija palal te phutschel taj upro rasismus le Romendar upre te sikal. Ada o upre vrischdschantschago la kinstlerkijatar Marika Schmiedt hi.

Ando divesa anglo gondolipe upro befrajinipe le logeristar Auschwitz presentirintscha i Schmiedt, te oj hi dscheno holocaust opferendar, upro papruschi ada arajipe lakera workshopistar „Integration Nein danke!“.

O arajipe ando plakatakero artschijipe presentirim te on taj o ar adale projektistar „Integration Nein Danke!“, kerel jek presentacija jeka kenvatar ando merc 2018.

Iva Bittová | Dschilaschkija dschidovtschengere- ungrike- slovakischi Romengere vurclinenca

Jek igen barikani kinstlerkija, sava but ande fojniope mindenfelitika muschikatar hi. I tschechitiki dschilaschkija dschidovtschengere- slovakischi Romengere vurclinenca Iva Bittova jek prindschardi dschuvli ando muschikano them hi.

Oj pro dschanipe le austritike publikumiske ando betschitiko „Underground Lokal Nachtasyl“ schaj sikatscha.

Medijakero projekto „Tschibtscha“ | Romaball 2018

O medijakero projekto „Tschibtscha“ le farajnistar KARIKA ada bersch andi dujti koja dschal. Ande ada siklipe le projektistar o schajipe lenge dim ol, pumen te schpecijalisirinel.

Uso kesdipe le dujto falatostar le projektistar „Tschibtscha“ producirinde o dschene jek film pedar o Roma Ball 2018 Tenu Erbate.

Servus | Szia | Zdravo | Del tuha | 10. decemberi | ORF 2 Burgenland