Sikadipe o klutscho le telbauninipestar la diskriminacijatar hi
On demand | Roma sam | 29.1.2018
Dieses Element ist nicht mehr verfügbar
Serdar Erdost
O kulturakero farajn le austritike Romendar akartscha i lejcti srida use jek kirai ande, saveskeri intencijona sina, jefkar buteder solidariteta taj manuschanipe angle te asdel. O Robert Stoica phukal ande pro vakeripe ando kulturakero farajn pedar i mindenfelitiki buti le faranistar ELIJAH, o lek terneder projekto le raschajstar Sporschill taj Ruth Zenkertatar taj pedar leskero pharo drom.
Serdar Erdost
Robert Stoica al andar jek rumenitiki Roma familija. Ov ojs terno tschau uso raschaj Georg Sporschill taj Ruth Zenkert pasche mer Bukarest upre bartschino.
Stoica ande Bukarest taj Betschiste schtudirintsch taj akan Betschiste butschalinel taj dschil.
Adi dschin pasche mer Sibiu | Hermannstadt upri gaveskeri rik Romane familiji ande bare tschoripe, nisaj pajiha taj schtromiha. 2012 kertscha o raschaj Georg Sporschill khetan la Ruth Zankertaha le farajn ELIJAH ande Siebenbürgen | Rumenija.
Serdar Erdost
Roma sam | 29.1.2018
20:50 - 21:10 | Radijo Burgenland
Livestream
Sikadipe jek pharipeskero punkto hi
Ando rumenitike gava Hosmann, Nou, Tichindeal taj Nocrich o faraj ELIJAH schtar socijalakere centri baunintscha. O tschave tato habe uschtiden, taj paloplane siklim lenca ol. Pomoschim ol le projektiske nipostar andar i Austrija taj Germanija. O farajn ELIJAH pomoschinel le tschavenge taj ternenge upre lengero sikadipeskero drom. But lendar o drom ojs bare papal pal laken usi institutcijona, savi lenge ande lengero dschivipe atschi pomoschintscha.
Sikadipe o klutscho uso telbauninipeske la diskriminacijatar hi
„Me gondolinav soske o Roma diskriminirim on, hi, kaj lenge o sikadipe falinel. Kas sikadipe hi, gondolinav me, odole aja diskriminacija na buter ovla. Jek upre dipe, savake amen iste ande bescharas“, phenel o Robert Stoica.
Serdar Erdost
Robert Stoica
Me upre mre pre te terdschol kamahi
O Stoica ande Bukarest betribvirtschoftakero sikadipe schtudirintscha taj paloda virtschoft taj „Unternehmensführung“ Betschiste. Adi ov butjaschi use jek internacijonali „Mineralölfirma“ hi.
„Butvar gondi mamnge kerav, te le me söbst schofintschomahi. Koja hi te o anglutne kipi, sar o raschaj Georg Sporschill pre barikane vodschiha. Me te but pajtaschen andi Austrija te prindscharel siklijom. Me upre mre pre te terdschol kamahi“, phenel o Robert Stoica.
Serdar Erdost
O raschaj Georg Sporschill | kamlon „Moschu“ leske phendo ol
Kaj o raschaj Georg Sporschill, kamlon pre tschavendar „Moschu“ prik beschardo „o phuro“ leske phendo ol, pre lek terneder projektiha ELIJAH mindenfeltikon pomoschinla, upre ada patschal o Robert Stojka.
Palikeripe butschol i atschimi simbijose maschkar o dschene save pomoschinen taj le tschavendar taj familijendar, savenge pomoschago pekal. Ko pe la karikake le palikeripeske pomoschagoske ande te phandel kamla, vodschikan akardo hi, phenel i Katharina Spartalis, butjaschkija andar o betschitiko biro le farajnistar ELIJAH.