Gärtner-Horvath terdscharel pe papal uso völinipe le anglebeschtostar

Ada bersch, ando feberi vaj merc, o flogoskero grupnengero bajrot papal nevo konstiturim ol. O anglebeschto Emmerich Gärtner-Horvath papal te kanidirinel kamla. Ov adi kherodaschi use i adivesakeri sendung Roma sam hi.

On demand | Roma sam | 8.1.2018

Kada o Rudolf Sarközi mulo, i funkcijona jek bersch schutschi atschini. O Emmerich Gärtner-Horvath andar Roma-Service o anglebeschipe le flogoskere grupnengere bajrotistar le Romendar ando merc 2017 prik lija. Le paldikipeske o Emmerich Gärtner-Horvath la butjaha le Romane organisacijendar loschando pe sikal. Poar barikane projektscha sar ando mediji barikane prik bescharde ule taj o upre terdschavipe le gondolipeskere tablinendar latsche rejalisirim ol.

Te o Emmerich Gärtner-Horvath o schajipe uschtidija i funkcijona ando bajrot papal pantsch berscha te kerel, leske i lek barikaneder buti hi, o konstruktivi dijalog la neva regirungaha te kerel, phenel lo.

„Te i medijakeri buti andi flogoskeri grupn andi redakcija leske meg mindig barikano hi“, phenel o anglebeschto Emmerich Gärtner-Horvath.