Pišti Horvath | soralo phandlipe Großwarasdorfiha

Stefan Pišti Horvath 1949 ando ungriko Bük upro them alo. Leskeri daj Anna, jek Romni andar Großwarasdorf, o logeri Ravensbrück prk dschivtscha, ham vaschi bibastali nacijkeri cajt, savi odoj terdschivtscha, schoha na buter pal geli, kaj oj upro them ali.

On demand | Roma sam | 25.12.2017

Pal haburi oj pe ande Bük tel mukla, taj le Istvan Horvathiha jek familija kertscha. O Pišti lakero erschti tschau sina.

Sar lenge imar jefkar gelo papal alo, hot on maschkar o ungriko upre terdschavipe upro drom pumen iste kerde. Ando 17. novemberi 1956 i familja Horvath Großwarasdorf ale taj ando kher le papustar taj babatar ande cidine ando „Unterort 25“. Poar divesa paloda leskeri daj taj leskero dad jek dugi cajt le agune schov berschengere Stefanistar pumen phuterde.

Aja phari cajt le Stefan Pisti Horvathiske bari duk pal mukla, savi na te sastjarel sina. Kekaj le rschajendar odotar pomoschago delahi, sina o gaveskero khetanipe, savenge ov gadsche phenlahi, le tikne Stefaniha na igen latsche.

Kekaj o Pišti na khinon pre phandlipeha use pri hajmat gemajndi terdschol, ov tschak Großwarasdorfate al te odoj muschika cidel.

Jek barikano kinstleri, jek barikano muschikaschi, savo 27 berscha dur upro cilo them, andar Tokio dschi Kairo, la Austrija fatretintscha taj le kiralenge taj schtotiskere presidentenge cidija.

Tschak jek barikano horvacko „Zigeuner“ andar Großwarasdorf atschino, sar o Pišti söbst peske andi nimtschki tschib phenel.

Ande „Roma sam“ phukal ov pedar pro dschivipe.