Literatura uso soralipe le tschatschipendar

Andi „Romengeri literatura“ but positivi entvikliniptscha del, ham meg mindig te problemtscha del, i Romengeri literatura tschatschikan te definirinel, phenel i literaturakeri visenschoftlerkija Beate Eder-Jordan, usi kenvakeri presentacija „Roma und Travellers: Identitäten im Wandel“ andi sendung „Roma sam“.

On demand | Roma sam | 18.12.2017

Ande lakero tekstoskero falato „Imagining the otherwise: Der (un)sichtbare Paradigmenwechsel im Bereich der Romani-Literaturen und –Kulturen“, phenel i Eder-Jordan, hot i Europa taj o baripe le europitike khetanipestar le Romen meg mindig na ojs o glajchi aun te prindscharel kamna, o Roma pumaro hango ano lejcti deschberschengero gejng o but schelberschengero na vakeripe ande bescharen taj gejng o na tschatschtschiptscha „pal pisinen“.

I literatura adaj schaj pomoschinel, o kipo le Romendar ando khetanipe feder te kerel taj uso sorlipe le Romengere tschatschipendar use ledschel. Kada pumen pisimaschtscha sar i Ceija Stojka le upre butschalinipeha le holocaustistar upro Roma donde bescharde, i terneder generacija le Romengere pisimaschendar probalinel, pumaro literarischi dikipe peder i etnija ari te bulharel, phenel i Eder-Jordan.

I Beate Eder-Jordan, literaturakeri visenschoftlerkija upri universiteta Innsbruck, ando 7.12.2017 andi Uprutni Schica i kenva „Roma und Travellers: Identitäten im Wandel" khetan le aridijaschenca Elisabeth Hussl taj Erika Thurner, presentirintscha.

Mindenfelitike pisimaschtscha, tel lendar o imar mulo Rudolf Sarközi, pedar pumare esbe liptscha taj forschinipeskere resultatendar phukan, save la flogoskera grupn le Romendar, ande phanden.

Erika Thurner | 15.12.17 „Roma taj Travellers: Identitetscha ando irinipe"| Roma sam 11.12.2017