Gondolipeskero mulatintschago ande Lackenbach

Suboton ando 18. novemberi 2017, 11.00 orenge akarel i burgenlanditiki thaneskeri regirung taj o kulturakero farajn le austritike Romendar uso gondolipeskero mulatintschago le Romenge taj Sintijenge ande Lackenbach, anglo gondolipeskero than.

Than le gondolipeske anglo aguno „Zigeuneranhaltelager“ Lackenbach, kaj o anglebeschto le kulturakere farajnistar le austritike Romendar, savo angle jek bersch mulo, o Rudolf Sarközi 1944 upri them alo.

Ando 23. novemberi 1940 ando aguno „Gutshof“ le „Zigeunerlager"istar ando Lackenbach prado ulo. O ande tschapime Roma ande schtali iste atschnahi taj mujsinipeskeri buti iste kernahi. Ando 1. novemberi 1941 o gendo le ande tschapime Romendar ande Lackenbach o utschipeskero punkto 2.335 dschenendar sina. Cilon le 4.000 ando Lackenach ande tschapime Romendar taj Sintijendar ando terno dschend 1941 2.000 ando logeri Lodz/Litzmannstadt ledschim taj murdarde ule. Tschak 300 dschi 400 Roma taj Sinti adale bibastalipestar prik dschivde. l

O gondolipeskero than andar o maschkarutno Burgenland le architektistar Matthias Szauer kerdo ulo. Ando 6. oktoberi 1984 le bundakere presidentistar Rudolf Kirschläger tel utschardo lo ulo.

O ande pisinipe andi nimtschki tschib "SIE MUSSTEN LEIDEN UND STERBEN NUR WEIL SIE ANDERS WAREN“ o gondo le profesoristar Franz Probst sina.