Robert Gussak | Sozijali esbe lipe ando fokus

Jek socijali esbe lipe le Gussak mindig sina, akan schaj pro sunipeskero beruf tschatschikan kertscha. Harnon o Robert Gussak jek arsiklipe Betschiste diplomiha use jek integracijakero beroteri le avrethemutnenge, asil kisetintscha.

On demand | Roma sam | 9.10.2017

O Robert Gussak 1968 Schtegate upro them alo. Odoj ande jek Roma familija upre bartschino, kaj trin generaciji khetan dschivnahi. Imar andi ischkolakeri taj ternengeri cajt, iste ov upro ajgeni teschto esbe lija, so butschol, jek Rom te ol. Teldschumipe taj diskriminacija upro sakodiveskeri koja terdscholahi.

Imar 16 berschenca nischta leske prik atschino, sar jek siklipe ande Tirol te rodel, mint kher nana le nisaj chance, buti te lakel. Te odoj iste ov pe la diskriminacijaha donde bescharlahi taj o arsiklipeskero lil na tromtscha te kerel. Afka leske mindig gelo taj ov pe iste afka pomoschagoskera butjaha pedar o paj likerlahi.

Akan loschanel pe o arsiklimo integracijakero beroteri pedar o pradipe le neve integracijakere centrumistar „Vielfalt“ andi Erba.

Farajniskero pradipe | Integracijakero centro „Vielfalt“

ando 4.11.2017 | 17.00 orenge
Steinamangererstrasse 9
7400 Erba