Sarközi | „Amen la cukunftake te sorarel“
On demand | Roma sam | 18.9.2017
Telal o anav „Baustelle Volksgruppenpolitik | Volksgruppenforderungen an die neue Regierung“ akarde o Martin Ivancsics taj o Karl Hanzl uso presejakero vakeripe, ando gimnasijum Komenský, ande.
Vascho but berschengero tradipe leskera flogoskera grupnatar bare problemtscha del andi koja sikadipe taj socijali. I flogoskeri grupnengeri buti dschal upro tel bauninipe la diskriminacijatar taj o upre bauninipe le tschibtschakere taj kultureli vert schecinipestar le Romendar taj Sintijendar andi Austrija. „Amenge barikano hi, kaj amen andar amari sor ari, i cukunft schaj soraleder keras“, ari asdel o botaschiskero schero le Kulturakere farajnistar le austritike Romendar.
Serdar Erdost | ORF
Balutnon, Josef Hollós, Bernard Sadovnik, Karl Hanzl, Martin Ivancsics, Ingrid Konrad, Andreas Sarközi
Jek nevi novilirung le flogoskere grupnengere tschatschipestar, savo sajt 1976 del, manglo ol, o flogoskere grupn imar sajt but berscha oda terdscharen. Te tschatschikan barikane le hi upro flogoskere grupn akor imar dur le prik beschartschanahi, phenel o Martin Ivancsics, anglebeschto le flogoskere grupnengere bajrotistar le burgenlanditike horvackendar.
O flogoskere grupnengere fartretertscha mangen, kaj o flogoskere grupnengere loj dujval asaj but te on, (3,6 milijona Euro) sar le akan hi.
Tips
Paraschton, 22. septemberi 2017 | "Akaripe uso „di le pradime vudaristar“.
09.00 orenge dschi 13.00 orenge, ando farajniskero centro le farajnistar Roma-Service & farajn KARIKA, Evangelische Kirchengasse 3 , Erba/Oberwart.
Use ada di le kherodaschtschen o schajipe hi, le dschenenca odoj pedar i farajnakeri buti te vakerel taj te informirinel.
Suboton, 23. septemberi 2017 | 19.30 orenge
„Roma Abend“ AMEN PHUKAVAS usi tema „24 berscha muschika gejng o teldikipe “. I kirati la burgenlanditika Romana bandake „ROMANO RATH“ vidmim ol.
Kontaktzentrum Erba / Oberwart (Röm.kath Kirche), Steinamangerer Str. 13.