Duzdar kamla o flogoskere grupnengere loj upre 4,5 milijontscha te asdel

I schtotiskeri sekreterkija Muna Duzdar (SPÖ) kamla pali kritika le flogoskere grupnengere fatreterendar o pomoschagoskere loj le autochtoni tschulipendar te asdel. O flogoskere grupnengere loj save akan 3,8 milijontscha Euro arkeren upre 4,5 milijontscha Euro asdim te on, phenel i Duzdar.

Te vaschoda aunpaschlaripe jek alav del, naschtig phenav, te i ÖVP amenca ada drom dschala", phenel i schtotiskeri sekreterkija Muna Duzdar.

„O Flogoskere grupn jek barikano falato la Austrijatar sikan“, phenel i schtotiskeri sekreterkija taj meg upre sikatscha upro „but keriptscha“ le flogoskere grupnedar. "O kivanipe, kaj o flogoskere grupnengere loj asdim te on kamaha amen i SPÖ te pomoschinel, kaj ada tschatschikan prik beschardo te ol. Sajt i virtschoftakeri krisa andi Europa del, taj oda imar igen dur hi, o flogoskere grupnengere loj na asdim ule. O lejcti utscheder keripe ando bersch 1995 sina. O flogoskere grupnengere rotscha imar dur pumenge kivaninen, hot dujvar atschi flogoskere grupnengere loj te uschtiden.

Nan jek posicijona le flogoskere grupnendar

Usi kritika le bajrotendar uso smiromiskero terdschavipe jeke neve flogoskere grupnengere tschatschipestar phenel i Duzdar, hot imar angle tschaliptscha latar dija. Afka i konferenc le anglebeschtendar taj o dujte schere le anglebeschtendar le bajrotistar ando tschatschiptscha ande lim te ol. „Dschi adi na jek posicijona le flogoskere grupnendar use“, phenel i schtotiskeri sekreterkija.