Romano Rath uso ORF mulatintschago andi Tikni Martona
On demand | Roma sam | 4.9.2017
Marcel Horvath
Romano Rath 1993 le Gustav Horvathistar taj pre phralestar Markus kerdo ulo. I Romani muschika len phandel taj i inicijaciona sina, kaj i banda kerdi uli.
Roma sam | 04.9.2017 | 20:50 orenge | Radijo Burgenland | livestream
Pumare ajgeni kerde komposicijontscha on tschak andi Romani tschib dschilan, mint i Romani tschib la flogoskera grupnatar imar tschule vakerdo ol. Vaschoda kamna o muschikaschtscha te o tschibtschakero tel likeripe pumara muschikaha upre te likerel.
Marcel Horvath
Marcel Horvath
I Romani muschika le Gustav Horvathiske barikano hi taj ov pe ande bescharel kaj Romano Rath afka te atschel. Imar ojs tikno tschau o Gustav Horvath dschantscha, hot ov muschikaschi te ol kamla. Leskero dad sina, savo leske o gitarakero khelipe sikatscha.
Romano muschikaschi te ol te klisches angle asdim on - oda ham i Romani banda dschanel, ham on barikane odole um dschan on tschak upro use schunaschtscha pumen koncentririnen, save lengeri muschika kamen. O arto bersch o 25 berschengero terdschojipe mulatinas - planim hi jek baro mulatintschago neva CD-aha.
Marcel Horvath
Romano Rath pumara interpretacijonaha andi Austrija jekoschne hi. Le ternen nan asaj interesi upre lengeri muschika, phenel o Horvath. Kekaj oda afka hi ov lenge aundefinipe te del kamla, hot te o terne upre aja muschika terdschona.