Roma nana nisaj viderschtaund gejng o NS ande Gols
On demand | Roma sam | 24.7.2017
Fritz Radlspäck, botakero vodinaschi la SPÖ-atar ando becirk Neusiedl am See, imar but berscha le opferenca le nacijonalsocijalismusistar ande Gols donde pe bescharel. O rodiptscha na tschak ande pradime archivtscha sina, ov te upre cajchniniptschenca cajtakere ceugenenca kertscha.
Sar ande avre gemajntscha te ande Gols dschidovtscha taj Roma le nacijonalsocijalismusiske ar bescharde sina. Te odola, save uso viderschtaund use sina, tradim ule. Andi tikni gemajndi imar anglo ande lipe le nacijonalsocijalismusistar jek viderschtaund pe formintscha. O dschene adale antifaschistischi micinipestar sar o dschidovtscha taj Roma tradim, ledschim taj murdarde ule.
Roma sam | 24.7.2017 | um 20:50 Uhr | Radio Burgenland | livestream
Materijal jeka kenvake igen but hi
O Radlspäck igen but materijal pedar o opfertscha le nacijonalsocijalimusistar ande Gols khetan ledschija. Andi cukunft kamla ov bajder khetan te kedel taj akor ando pradipe ar te del. Ham ada nan asaj loke, kaj igen but materijal adaj hi.
Arti sendung
Andi arti sendung o politikeri taj historikeri jek ande dikipe andi situacija le Romendar maschkar o nacijonalsocijalismus ande Gols del.
Romblog Roma pedar pumende phukan
Roma sam sako kurko duj dschenen andar o Romblog Austrija projekto anel. Laura Moldovan jek Romni hi, rumenitike vurclinenca. Palo 360 „Media Workshop“ andar o Romblog kamla oj sorale pro hango le aunpaschlaripeske lakera flogoskera grupnatar te asdel.
Diana Dworzack betschitiki Romni hi. la grafisch baro talento hi taj ando Romlog kamla oj pe ando visujeli taj grafischi buti ande te anel.