Berlakovich | Flogoskero grupnengero pomoschago jek buti la EU-atar hi

„Dschidokle andi Austrija i situacija le Romendar feder uli, ande avre osteuropitike vilagi i situacija le Romendar bibastalo hi" phenel o ÖVP-Flogoskero grupnengero vakeraschi Nikolaus Berlakovich.

„Valami 12 milijontscha Roma upro europtike vilagi upre ulade hi. Europa fauntvoatinipe le arakaripeske adala flogoskera grupnatar ledschel, savi usi lek barder grupn adale kontinentistar genel“, phenel o Berlakovich uso internacijonali di le Romendar.

Nan dosta, kaj uschardo ol, hot i diskriminacija taj o argranicalinipe le Romendar jefkar loke korkore ar ovla, pomoschago upro cile koji pekamle on, kaj o khetanipeskero taj virtschoftlichi cil sikeder resto te ol, phenel o Berlakovich. Le tschibtschakera taj kulturakera barikanipeske la EU-atar pomoschim te ol, kaj te na ar te merel taj te ando pradipe iste lake buteder pomoschim ol, kaj li schundi, radijo taj dikli, televisija te ol.