Jean-Marie Le Pen papal panasi tschito ulo

Gejng o rechtsekstremi francitiko politikeri Jean-Marie Le Pen jek kris vasch aunschtiftinipe prasajipeske taj diskriminacijake 5.000 eurojenca schtraufim ulo. Le Pen ando juli 2013 pedar Roma ando sudfrancitiko foro Nizza phentscha, hot on „cipakero phukni keren“ taj „khanden“.

O kheraschi la Front National (FN) meg te 3.000 eurojenca le Anti-Rassismus-otganisacijenge faurtajlim ulo.

O 88-berscheskero pativjakero presidnto angle jeg bersch andi erschti instanc 5.000 eurojenca faurtajlim ulo.

O dad la presidentakero kanidatkijatar Marine Le Pen mindig vasch rasistischi arpheniptscha faurtajlim ulo. Ande Paris uso berufungakero urtajl leskero arphenipe sina, hot o NS-akere gaskamern tschak jek „falato“ la historijatar ando dujto haburi sina.

I Front National le kheraschi vasch asaj arpheniptscha ando august 2015 andar i partaj ari tschidija.