Internacijonali sikadipeskero programo le Romenge

Na dur, la Caritasatar Uprutni Austrija jek basisakero sikadipe le Romenge dela, savo o usegejipe uso butjakero foro lokeder te kerel, sar oj kedenate phentscha. „But Roma del, save jek ischkola andral meg na dikle, on na dschanen te genel taj te pisinel. Vaschoda nisaj schajipe len upro butjakero foro hi“.

O projektoskero schero, fatreterenca le Caritasakere organisacijendar andar Bosnija-Hercegovina, Italija, Portugal, Rumenija taj Serbija, jek basisakero sikadipeskero koncepto bare Romenge, entviklinel. Kaj ada use lengero dschivipe aun pasim te ol, on butvar pumaro dschivipeskere than irinen, pedar o vilagi prik, fleksibli siklipeskere modultscha entviklim on, phenel i Haunold. But Roma na prindscharen pumare schajiptscha, sikadipe te uschtidel. Idoltscha andar o ajgeni redi taj Romengere medijatortscha te pomoschinen, o schajiptscha te prindscharel taj perspektivtscha duach o sikadipe te entviklinel.

Sar o sikadipeskero programo le Romenge ar te ditschol, akan ande jek khetani buti le Caritasakere organisacijendar andar pantsch EU-akere vilagi ando projekto BERA (basic education of Roma adults) entviklim ol, savo le EU-akere pomoschagoskere programistar Erasmus+ financirim ol. Andar vakeriptscha 180 Romenca ande schov vilagi ari alo, hot interesi upre sako diveseskere siklipeskere koji – sar o arpheripe formularendar, butjakero rodipe vaj siklipe vasch o verdakero ladipeskero papruschi – del. O vakeriptscha te sikade, „hot i but berschengeri diskriminacija taj o bibastalo ischkolakero esbe lipe, te upro avre generaciji nalatsche ar pe virkintscha“, phenel i Haunold.

O projektoskere resultatscha andi forma trin vasteskere kenvendar khetan kedim on taj usar o august 2018 upral projektoskeri webside telal www.project-bera.eu tel lonim schaj le on.

Kvela: kathpress