Roasinipeskero artschijipe pedar o Roma-Holocaust ham na la Austrijaha

I internacijonali roasinipeskero artschijipe „Mirinda“ savi pe le holocaustiha le Romendar ando nacijonalsocijalistischi rajipe andi Europa donde bescharel, ando 15. feberi ando finischi Espoo kesdinel.

Buteder schtacijontscha le artschijpestar ando duj berscha 20 vilagenca imar arkedo ulo.

I Austrija nan use

Vakeriptscha la Austrijaha dija, phenel i vakeraschkija le finischi kulturakere farajnistar Drom taj i socijaldemokratischi politikerkija Nina Castén. I „Nationalbibliothek“ adale alavenca tel phentscha, o artschijipe na use lengere utschipeskere punktscha genel. Te i „Synagoge“ Gereciste, savo baro intersi sikatscha tel phentscha, len nan loj taj te than na, kaj o artschijipe schaj otscha terdscharen.

Castén brigaschno hi, kai i Austrija na use hi – telende te i Germanija, Schwedija, Denemark, Australija sar but ostitike EU-akere vilagi hi – ham kekaj meg akan na, probalim ovla, o artschijipe andi te andi Austrija te anel.

„Mirandan silmin | Through Miranda´s Eyes“, sar o anav le artschijipestar butschol, terdschol upre jek Roman le finischi pisinaschistar Veijo Baltzar, savo ande pri kenva o terdschivipe jeka slovakischi Romnijatar maschkar o dujto haburi phukal. Pal Espoo o artschijipe Rigate dschal, Tallinn, Zagreb, Sered, ando 2. august (Slovakija) taj Budapest.

Link

Mirandan silmin | Through Miranda´s Eyes