Emmerich Gärtner-Horvath | Paldikipe taj ardikipe
On demand | Roma sam | 26.12.2016
Novelirung pekamlo ol
O phendo „Ostermayer Entwurf“ usi novelirung le flogoskere grupnengere tschatschipestar, kaj fatretertscha le flogoskere grupnendar uso arkeripe use sina, ande terdscholahi jek schpecifischi diskriminacijakero fabot. Ada la flogoskera grupnake le Romendar pekamlo ujahi, ham use ada flogoskero tschatschipe na alo, phenel o Emmerich Gärtner-Horvath.
Roma-Service
Roma dijalogplatforma igen barikano sina
Cil la Roma dijalogplatformatar hi, than jeka pradima vakeripeskera formake te kerel, ande ada maschkarutno punkto terdschol jek sorali dschivipeskeri perspektiva le Romenge te schofinel.
2016 i flogoskeri grupn le Romendar duj farajntschen naschatscha. Le farajn Khetani le Sinijenge taj Romenge andi Uprutni Austrija sar la erschti Roma organisacija le Farajn Roma Erbate, savenge o lojengero pomoschago, kaj schaj bajder butschalinen falintscha.
So loschando hi, hi i buti la Roma dijalogplatformatar, savi ando bundeskancleramtiskero birovtschago kerdo ulo, dikel o dujto anglebeschtoskero schero Gärtner-Horvath pal.
serdar erdost | orf
Kaj ham i EU-akeri situacija le Romendar andi zufunft jefkar feder te ol, jek khetanbutschalinipe kontaktiskere thanendar ando nochberiskere EU-akere vilagi pekamle on.