Adventiskero genipe le Frank Hoffmanniha

„Ov jek Rom hi“, adale alavenca o Rudolf Sarközi, savo ada bersch mulo, o anglebeschto le Kulturakere farajnistar le Romendar, harnon anglo andventiskero genipe ando bersch 2004, le Frank Hoffmann ojs pativjakero mitglid le Kultur farajnistar upre lija.

On demand | Roma sam | 12.12.2016

Pal 12 berscha kertscha o prindschardo schauschpileri tekstascha le Roma advent mulatintschagoske le Bertolt Brechtistar, Heinrich Böll taj le nimtschke kabaretististar Hanns Dieter Hüsch.

Hoffman parutscha i cajt ande jek gondolipeskeri, ham te loschani advetiskeri kirati ando kher le Kultarekere farajnistar Betschiste Döbling.

Pativalo mirnipe taj smirom

But prindscharde muja odoj sina. Telende sina o kherodaschtscha, save mindig o Roma advent kherodnahi. O becirkiskero angletertschardo Döblingatar o Adolf Tiller, o thaneskero rot Franz Ekkamp, keraschi le mauthausenkomitesistar Austrija Helmut Edelmayer, schero la abtajlungatar la „Sozialentschädigung"ake taj socijalministerijumistar Kurt Wegscheidler.

O schero le kulturakere farajnistar "Transdanubien“ Marietta Wild tschak jefkar uso Roma advent na use sina. Oj phenel, hot o Roma advent tschatschikan jek pativalo mirnipeskero smirom hi.

Nevo kesdipe le Christian Klippliha

Marion Dworzack, schero le farajnistar „Voice of Diversity“, bojd mindig o adventiskero mulatintschago kherodija. Oj i kirati igen latsche likertscha. I Dworzack ande o nevo angle beschto Christian Klippl latscho nevo kesdipe dikel.

I muschika uso Roma adventiskero genipe o trijo „Pacora“ kerde.