I barikani Romni Esma Redžepova muli

Esma Redžepova, jek igen baro hangoha ando muschikano them pal jek harno pharo nasvalipe ande Skopje | Macedonija muli. Oj 73 berscha phurani uli.

Oj kurkeste muli, 11.12.2016, use pri familija.

Esma Redžepova, lake phendo ulo „Königin der Zigeunermusik“, ando bersch 2010 le National Public Radio | USA uso 50 bare hangi le themestar arodim li uli.

Oj ando 8. august 1943 ande Skopje upro them ali. Lakeri daj turkitiki sina, taj lakero dad serbitiko dschidovtschengere Romane vurclinenca.

Oj imar ando 1950iger berscha te dschilal kesdintscha taj oda kertscha dschi uso lejcti. i Redžepova o hango sina le ensemblejistar lakere Romestar Stevo Teodosievski, savo Romani taj macedonischi flogoskeri muschika cidlahi. Ando bersch 2013 oj la Macedonija uso „Eurovision Song Contest“ fartretintscha.

Avrutnon pra karijeratar ojs dschilaschkija i Esma Redžepova te vodschikane ande bescharipeske prindschardi li sina. Pre Romeha Stevo Teodosievski oj 47 tschave use peste lija taj jek tschavengero kher andi Macedonija tschore tschavenge, saven nisaj atschipe hi, pratscha.