Adventiskero mulatintschago le farajn Karikastar
On demand | Roma sam | 5.12.2016
Emmerich Gärtner-Horvath
Roma sam | 5.12.2016
20:50 - 21:10 | Radijo Burgenland Livestream
O dujto schereo andar o farajn Karika Martin Horvath, le kherodaschtschen schukar akartscha, telende o meschteri Karl Garnitschnig, o schero andar o farajn „Blickpunkt Identitäten“ Susanne Linde, ÖVP gemajndakero rot Helmut Gabriel, Nadine Papai andar „Gesellschaft für bedrohte Völker“, o thaneskero rot andar i SPÖ Christian Drobits taj o biro Erbatar Georg Rosner.
Christian Drobits, thaneskero rot la SPÖ-atar, meresch alo, kaj ov dikel, hot o farajn Karika tschatschikan valaso te micinel kamla.
O kinstleri Julius Horvath pre verktscha use ada adventiskero mulatintschago „I kunst ando advent“ ar terdschartscha. Leskere but kipi te pedar o Roma phukan, abstrakti taj potrajts save odoj o kherodaschtscha schaj pumenge aun dikle.
O farajn „Karika“ andar o juni dschi novemberi khetan le AMS-iha Burgenland jek arsiklipeskere kurs le Romenge kertscha. Schtar terne murscha taj schtar terne dschuvla use sina. Pomoschim ulo le kursiske te le thanestar Burgenland. Uso adventiskero mulatintschago o dschene andar o kurs le trenerendar pumaro censurakero lila uschtidine.
Emmerich Gärtner-Horvath
o profesori Karl Garnitschnig o erschtivar le Romenca khetan butschalintscha taj pro loschanipe naschtig garul. „Amen but amendar siklijam“, phenel lo.
Te o schero le fajnistar Karika Paul Horvath telal o dschene le AMS-kursistar le treneriske taj beroteriske sina. Ande rolakere kheliptscha taj autotrening o dschene andar o kurs upre jek berotinipeskeri situacija pumen kisetinde. Te o motivacijakero trening jek falato le kursistar sina, phukal o Horvath.
O neksti mulatintschago le farajnistar Karika o Romengero mulatintschago 2017 ando 14. jeneri 2017 Tenu Erbate hi.