Dschidovtschengere taj Romengere terne khetan gejng „Antiziganismus“ taj „Antisemitismus“
On demand | Roma sam | 5.12.2016
Angle jek kurko valami 30 terne Roma taj dschidovtscha ande Budapest use jek „Study Session“ le „Council of Europe“ khetan gele. Ojs pharipeskere punktscha i muschika, kunst taj historija, o kejmpfinipe gejng „Antiziganismus“ taj „Antisemitismus“ terdschino.
I „Study Session“ le europitiko Romengere ternengere necverkistar „Phiren Amenca“ taj „European Union of Jewish Students (EUJS)“ organisirim ulo.
Roma sam | 5.12.2016
20:50 - 21:10 | Radijo Burgenland Livestream
le Benny Fischeriske, o presidento la EUJS-atar, o khetan butschalinipe maschkar o terne Roma taj terne dschidovtscha jek persenlichi aunpaschlaripe hi. Samuel Mago le Fischeriha ando Budapest vakertscha.
Adventiskero mulatintschago le farajn Karikastar
Telal o moto „khetan schaj valaso micinas, khetan gejipe ando advent“ o ada berscheskero adventiskero mulatintschago le frajn Karikastar ando kontaktiskero centro Erbate sina. Odoj sina partneriskere organisaciji trenertscha, politikertscha taj o dschene andar o kurs.
Emmerich Gärtner-Horvath
Trenertscha taj trenerkiji le AMS arsiklipeskere programistar
O dujto schereo andar o farajn Karika Martin Horvath, le kherodaschtschen schukar akartscha, telende o meschteri Karl Garnitschnig, o schero andar o farajn „Blickpunkt Identitäten“ Susanne Linde, ÖVP gemajndakero rot Helmut Gabriel, Nadine Papai andar „Gesellschaft für bedrohte Völker“, o thaneskero rot andar i SPÖ Christian Drobits taj o biro Erbatar Georg Rosner.
Christian Drobits, thaneskero rot la SPÖ-atar, meresch alo, kaj ov dikel, hot o farajn Karika tschatschikan valaso te micinel kamla.
O kinstleri Julius Horvath pre verktscha use ada adventiskero mulatintschago „I kunst ando advent“ ar terdschartscha. Leskere but kipi te pedar o Roma phukan, abstrakti taj potrajts save odoj o kherodaschtscha schaj pumenge aun dikle.
O farajn „Karika“ andar o juni dschi novemberi khetan le AMS-iha Burgenland jek arsiklipeskere kurs le Romenge kertscha. Schtar terne murscha taj schtar terne dschuvla use sina. Pomoschim ulo le kursiske te le thanestar Burgenland. Uso adventiskero mulatintschago o dschene andar o kurs le trenerendar pumaro censurakero lila uschtidine.
Emmerich Gärtner-Horvath
Karl Garnitschnig
o profesori Karl Garnitschnig o erschtivar le Romenca khetan butschalintscha taj pro loschanipe naschtig garul. „Amen but amendar siklijam“, phenel lo.
Te o schero le fajnistar Karika Paul Horvath telal o dschene le AMS-kursistar le treneriske taj beroteriske sina. Ande rolakere kheliptscha taj autotrening o dschene andar o kurs upre jek berotinipeskeri situacija pumen kisetinde. Te o motivacijakero trening jek falato le kursistar sina, phukal o Horvath.
O neksti mulatintschago le farajnistar Karika o Romengero mulatintschago 2017 ando 14. jeneri 2017 Tenu Erbate hi.