Servus | Szia | Zdravo | Del tuha | 11. decemberi| 13:05 | ORF 2 Burgenland
ORF TVthek | Servus | Szia | Zdravo | Del tuha | 11.12.2016
ORF
Duach i sendung vodinel tumen i Katharina Janoska.
ORF
Ilija Jovanović park | arodipe le anavestar taj tablinakero tel utscharipe
O pisimaschi taj pojesaschi Ilija Jovanović uso keripe le farajnistar Romano Centro use sina. Ov dugo o schero taj inicijator le siklipeskere pomoschagostar le Romenge sina. 2010 ov igen ternon amendar gelo. O terno dschend ham jek tikno asajipe upro muja le kherodaschendar uso parikskero anavengero dipe anglo Romano Centro antscha. O „Ilija Jovanović Park“ na tschak leskere anaveskere patron patijarel, ham te jek barikano cajchn adaleha beschardo ol.
ORF
Servus | Szia | Zdravo | Del tuha
11.12.2016 | 13:05 orenge
ORF 2 Burgenland | Livestream
Neksti sendung | 12.02.2017
Gondolipe le Romenge taj Sintijenge anglo gondolipeskero than ande Lackenbach
Le valami 4.000 ande tschapime manuschendar tschak poar schel Roma taj Sinti o logeri Lackenbach, palo ande lipe le rustitike nimcendar ando bersch 1945, prik dschivde. Le eseri Romenge taj Sintijenge, save ando dujto haburi le nacijendar murdarde ule, but manuscha lenge gondolinde. Sajt 1990 o gondolipeskero mulatintschago sako bersch uso gondolipeskero than ande Lackenbach tel likerdo ol. O erschti gondolipeskero mulatintschago hi, oni o Rudolf Sarközi. Ov ando Lackenbach upro them alo taj ada bersch mulo.
ORF
Gondolipe ande Holzschlag
Holzschlag ando bersch 1936, 661 dschenenca o lek utscheder dschenengero gendo sina. 310 dschene lendar ojs Roma registririm sina. O ledschipe le Romendar andar Holzschlag, kaj o cile upre pisim sina, ande trin koji kerdo ulo. 1939 o butjakere murscha ledschim ule. Andi rat upro 31. oktoberi 1941 i SS/SA o dujto var ali taj le cile Romen andar o khera pumenca line. Ando april 1943 o lejcti Roma, save meg odoj sina ledschim ule. Akan upro temetischi lenge jek gondolipeskeri tablina tel utschardo ulo.
ORF
Herbert Brettl | „Zigeunerpolitik“ 1921-1945
O gaveskero musejum Mönchhof na tschak le virtschoftiskere- taj khereskere geretenca ando tipischi thaneskero dschivipe pe presentirinel, ov te le manuschenge pe vidminel, savengero schiksol ando becirk Neusiedl am See pregintscha. Andi vora le musejumistar harnon i pobisterdi historija la flogoskera grupnatar le Romendar jeka tablinaha le pradipeske prado ulo.
ORF
„Pen Club“ - Romengero literaturakero dipe 2016
Pen Club Roma-Literaturpreis an Sámuel Mágó
O Romengero literaturakero dipe le austritike „Pen Club“-istar ando palgondolipe la Ceija Stojkatar, savi but logertscha prik dschivtscha, ada bersch o terno Romengero aktivisto taj pisimaschi Samuel Mago uschtidija.
ORF
Dieter Halwachs | Burgenland Romani | lipe taj schtatus
I burgenlanditiki Romani tschib, jek le schtar but tschibtschengere vakeriptschendar le Burgenlandistar hi taj ando bersch 1993 le upre pisinipeha kesdim ulo. Adala butjake vidmintscha pe o socijalingujist Dieter Halwachs. Jek taj epasch deschberschengere paloda terdscharel pe o phutschajipe, sar i cukunft la Romani tschibtschatar ar ditschol. Pedar ada o Halwachs use pro angle vakeripe andi thaneskeri galerija Burgenland phukatscha.
Servus | Szia | Zdravo | Del tuha | 9. oktoberi | 13:05 orenge | ORF2 Burgenland
Link
ARTBRUT | Marika Schmiedt
Der Österreichische Pen-Club
Dorfmuseum Mönchhof