Roma andi EU | Pantsch var tschoreder sar o avre

O Roma andi europitiki unijona pantsch var tschoreder hi, sar o avre dschene andi Europa. Ada ari dschal andar jek schtudija la agenturatar le europitike tschatschipenge (FRA).

Igen bibastali i situacija ando Horvacko, Espanija taj Grecija hi. Odoj buteder sar 90 procentscha le Romendar igen tschore hi. O nacijonali duach tschinipe andar o bersch 2014 valami use 20 procentscha paschlol.

Khera nisaj saniteri kojenca

"Soralo tschoripe o lek bareder manuschano tschatschipengero dukajipe hi, afka le le avrendar tel diklo ojs, taj avrijal diklo ojs, phenel o schero andar FRA Michael O’Flaherty usi presentacija ande Brüssel. So o arvirkinipe le tschoripestar hi, sikal i schtudija. 30 procentscha le 8.000 eseri Romendar, save phutschle ule ando khera dschin nisaj pajniha. Bojd o epasch lendar khulali nan vaj nandscharipeskero kher.

41 procentscha le phutschle Romendar diskriminirim on

Bibastali situacija upro butjakero foro del. Tschak jek tritl le Romendar potschimi buti hi. Use aja buti butvar buti hi, save o avre dschene na te keren kamna, kaj upro sastipe dschal. 26 le phutschle Romendar use gejipe uso sastipeskero sistemo hi, phenel o O’Flaherty.

41 procentscha le phutschle Romendar ando mindenfelitike dschivipeskere koji andar o lejcti pantsch berscha diskiriminirim on. O’Flaherty ham gondolinel , hot utscheder li hi. But le Romendar na dschanen te diskriminirim le on, kaj otscha te dschan.

O tschoripe pal dschumi iste ol

Le EU-akere mitglid schtotschen o O’Flaherty upre vrischdschanel buteder vascho tschoripe le Romendar te kerel. Usi integracija le lek bareder tschulipestar andi Europa vasch manuschengere tschatschiptscha dschal taj na vaschoda, hot „amen lenge jek tecinipe te kerel kamaha“, phenel o FRA-schero. O tschoripe iste pal dschumim ol. Ada i lek „bareder prijoriteta“ hi.

Roma organisaciji | Nisaj pomoschago le Hoferiske
Duzdar ande Lackenbach
Tschechija | Balitschani schtala upro NS-Logeriskero than kindo te ol