Roma organisaciji | Nisaj pomoschago le Hoferiske
„Vaschoda nan ada amenge angle te terdscharel, hot jek FPÖ kanidato o interesi le Romendar taj Sintijendar andi Austrija fatretinla“, butschol ando arbitschajipe le Roma organisacijendar Romano Centro (Betsch), farajn Karika (Erba), Roma-Service (Tikni Poslina), Vida Pavlović (Betsch) taj o farajn Phurdo (Salzburg).
IRU
IRU-pisimaschi le Hoferiha pe restscha
I „Internationale Roma Union“ (IRU) pumen le Hoferiha reste. On ande o adiveskero arbitschajipe phenen, hot i FPÖ ojs jekoschni politischi sor andi Austrija o arakaripe le tschulipendar ando partajakero programo line.
Andar lengeri website angle dschal, hot i IRU 1965 kerdi uli, taj o beschipe ande Linz hi.
„O Norbert Hofer jek pativalo taj vodschikano, taj godschar manusch taj politikeri hi, savo use pro alav terdschol“, phenel o angle terdschojipeskero mitglid la IRU-atar, Stevan Balog Radul, le frajhajtlichi kanidatiske use jek talalinipe ando lejcti kurko use jek FPÖ-party. „Vaschoda amen Roma taj Sinti andar i Austrija , ando 04.12.2016 pal leste amen terdscharaha taj amen leske amaro hango daha”, butschol ande jek arbitschajipe. O Stevan Balog Radul vakerel pedar 100.000 Romendar taj Sintijendar andi Austrija.
Roma organisaciji | völinipeskero angle tschalajipe tschak jek persenlichi iritacija hi
Uso Kulturakero farajn le Austritike Romendar, dschiakan informeli aun vakeripeskero partneri la republukatar la flogoskera grupnatar, nischta na dschande pedar i inicijativa. „Ada amenca nischta te kerel hi“, odoj phendo ulo. Taj völinipeskero angle tschalajipe amendar na tel dim ol.
O avre Roma organisaciji distancirinen pumen le arpenipestar le IRU-fatreteristar Radul. O Stevan Balog Radul pre privati gondi la flogoskera grupnatar ar paschlartscha, „ada amen afka naschtig akceptirinas.“