„Soske i duk atschel“

„Soske i duk atschel" o nevo film la Marika Schmiedtatar butschol. Schmiedt donde pe bescharel le upre butschalinipeha le holocaustiha le Romendar taj Sintijendar andi „dujti“ taj „triti“ generacija. I adiveskeri radijo sendung „Roma sam“ anel artschiniptscha vakeripendar palo filmiskero sikajipe.

On demand | Roma sam | 14.11.2016

O na arvakerdo, savo o dschivipe le Romendar meg mindig arkerel, i socijalpsychologischi beroterkija Anna Gleirscher-Entner jek tema pra diiplomjakera butjatar sina.

Oj ando vakeripe amenca pro terdschivipe ojs Sintiza phukal.

Kritisch terdschol i autorkija Simone Schönett oj gejng o flogoskere dschene. On klisches keren taj projicirinen len. Kaj la Marika Schmiedtiskeri tematisirti duk schaj sasti ol, meg but iste pe irinel, phenel i Schönett.

I Marika Schmiedt taj lakero film, savo harnon ando betschitiko „Topkino“ sikado ulo, vakeren gejng jek telkeldo, na godschikano sastjaripe ar.

Buteder droma taj horipe le viderschtaundistar gejng rajipengere, sistemimanenti strukturtscha sikade on.

„Pen Club“ Romengero literaturakero-dipe 2016

O Romengero literaturakero dipe le austritike „Pen Club"istar ando palgondolipe la Ceija Stojkatar ada bersch o terno Romengero aktivisto Samuel Mago uschtidija.

O Samuel Mago, 1996 ando ungriko upro them alo, sajt leskero schtarto dschivipeskero bersch pra dajaha taj pre dadeha Betschiste dschil. Ov upri Uni Betschiste socijologija taj transkultureli komunikacijona schtudirinel. O Mago ando bersch 2015 o "exil-jugend-Literatur“ dipe uschtidija.

O Samuel Mago radijakero keriptscha andi flogoskeri grupnakeri redakcija le ORF Betschistar kerel.

Link

Artbrut | Marika Schmiedt
Pen-Club