Tschechija | Balitschani schtala upro NS-Logeriskero than kindo te ol

Ando dugo berschengero cinkolinipe vaschi balitschani schtala upro aguno logeri Lety ande Südböhmen akan jek phutripe schaj del. I tschechitiki regirung erschti jomi use kertscha taj le dschenenge, savengero than hi, jek aunbitinipe kerde.

O dschene, savenge o balitschane schtali kerinen, but berscha na kamnahi o than otscha te del. Akan o erschtivar vakeriptscha del, hot o than te biknel kamna. Manuschengere tschatschipengere organisaciji andar i cili Europa but bersch protestscha gejng i balitschani schtala ande Lety kerde, kaj na dur bejg jek tikno gondolipeskero than hi.

O nacijonalsocijalistischi logeri le Romenge ando august 1942 telal o nimtschke nimci kerdo ulo. Harengere upro ande tschapime dschene diknahi. Ando logeri Lety 327 manuscha telal jek bibastali koja mule.

O prik atschime le buteder sar 1.300 dschenendar palo phutripe le logeristar Auschwitzate ledschim ule, kaj but lendar odoj murdarde ule. Le 6.500 tschechitike Romendar valami 600 o porajmos, o flogoskero murdaripe upro europitike Roma, prik dschivde.

09.11.16 | Srastunakeri vora Aspang - fakerakeri schtacijona schitikna historijaha