Ladipe le Romendar Cejiste

O ladipe le Romendar Cejiste jek schelberschengeri tradicijona ande lengeri historija upre sikal, savi maschkar o nacijengero rajipe na dija taj ando august 1996 le austritike Romengere farajnendar papal upre lim uli.

On demand | Roma sam | 3.8.2015

Vusko khetanipe usi Maria

„Cej imar mindig jek ladipeskero than la flogoskera grupnake le Romendar sina. Jek vusko khetanipe hi le Romen usi Maria, le Devleskeri daj. Oj jek barikano than ando dschivipe le Romendar ande lel“, phenel i Monika Scheweck andar o referat le etnischi grupnendar la diöcesatar Tikni Martona.

Roma taj i katolischi khangeri

„I katolischi khangeri but kerel, kaj feder khetanipe te del. Aja khetani buti, savi imar but berscha del, latschipe antscha, ham te meg mindig dombi del, pedar save prik iste gelo ol“, phenel o schero le referatistar.

Informacija:

Kurke, ando 9to august 2015, o tradicijoneli Ladipe le Romendar Cejiste hi. Jeke mulatintschagoskere and cidipeha andi basilika, 10.00 orenge i mischa kesdinel, savi ada bersch le bare raschajistar Wilhelm Krautwaschl tel likerdi ol. Usar 14.30 orenge le kherodaschenge upri norditiki rik la basilikatar jek kultureli programo sikado ol.

Buteder pedar o tradicijoneli ladipe le Romendar Cejiste, schunen tumen hetvin andi sendung „Roma sam“ upro Radijo Burgenland.