ROMBAS | Sikadipeskeri schtudija le Romendar taj Sintijendar andi Austrija

Historischi diklo, o Roma taj o Sinti uso lek soraleder grupn andi Austrija genen, save ando sikadipe tel dschum hi taj savengeri sikadipeskeri situacija dugi cajt la politikatar taj le forschinipestar tschak tschulo esbe lim ulo. Ando EU-akero keripe nacijonali strategijenge usi integracija le Romendar, dschi ando bersch 2020 koji kerde te on.

ROMBAS-schtudija and dikipe del

I angli paschlardi ROMBAS-schtudija and dikipe ando igen heterogeni sikadipeskere esbe liptscha le andi Austrija dschivde Romendar taj Sintijendar del.

Andar buteder sar 60 ori hangoskere upre liptscha taj buteder sar 1.500 riktscha transkricijontscha probalim ulo, barikane koji ari te buschalinel, save sorale o sikadipeskere droma le dschenendar, savenca vakerdo ulo, vodinde.

Nisaj representativi schtudija hi

Sar ando metodischi falato sikado, na handlinel pe adaj vasch jek representativi schtudija savi sikal, sar i adivesakeri sikadipeskeri situacija le Romendar taj Sintijendar andi Austrija arditschol. Ande aja sikadipeskeri schtudija o atscha upro sikajipe le dikipestar le phutschle dschendar hi, save pedar phukan, saj koji lenge upre lengero sikadipeskero drom pomoschinde vaj na.

Uso 13to Romengero-dialogiskero seleto le nacijonali Romengere-kontaktoskere thanistar ando bundakero kancleriskero birovtschago, i ROMBAS schtudija usi sikadipeskeri situacija le Romendar taj Sintijendar andi Austrija presentirim uli.

Buteder pedar, schunen tumen hetvin andi sendung „Roma sam“ upro Radijo Burgenland.