20 berscha pal o bombakero- atentato andi Roma-sidlung: Gondolipe andi Erba

Andi rat usar o 4to upro 5to feberi 1995 schtar Roma, use jek rasistischi motivirimo bombakero atentato andi Erbakeri Roma-sidlung, murdarde ule. Ada atentato telal o but avre dschene taj andi politik, briga antscha.

On demand | Roma sam | 9.2.2014

Schtar Roma pumaro ileto naschade

Epaschirat sina, kada o schtar murscha ande jek schprejnginipeskero peripe, savo ojs fakeriskero cajchn jeka tablinaha le pisinipeha „Roma pal andi Indija“ tarnim sina, astarde.

Hora ratschaskero o schtar mule Roma lakle ule. Odola sina o Josef Simon, o Peter Sarközi, o Karl taj o Erwin Horvath. On duach jek bomba mule, savi le Franz Fuchsistar baunim uli. Le bombakere bauninaschiske adale rasistischi motivirime atentatistar, 1999 o panasi tschito ulo.

Khetan jek cajchn te bescharel

Jeke ududane gejipeha taj telal o mitvirkinipe le bundakere presidentostar Heinz Fischer, avre prindscharde politikerendar, Roma-fatreterendar taj but kherodaschendar, ando 4to feberi 2015 use jek gondolipeskero mulatintschago andi Roma-sidlung, le schtar opferenge pal gondolim ulo.

Buteder pedar, schunen tumen hetvin andi sendung „Roma sam“ upro Radijo Burgenland.