Botschofterkija la Romengera-muschikatar

I Ruzsa Nikolić Lakatos sajt berscha i „Botschofterkija la Romengera muschikatar“ hi taj oj te uso upre bauninipe la „Vienna Gipsy Music Schoolatar“ use sina. I Ruzsa na tschak la muschikake – oj te le mindenfelitike kojenge, la tolerancake taj la dschuvlengera sorake, terdschol.

On demand | Roma sam | 5.1.2015

Botschofterkija la Romengera-muschikatar

I 1945 upro them ali Ruzsa Nikolić Lakatos uso lek prindschareder dschilaschkija le Lovarajengera muschikatar genel. Use jek mulatintschago la muschikakera utscha ischkolatar i Ruzsa jeka pajtaschkijatar molim uli, hot valaso te dschilal. I Ruzsa ham na dschilatscha, mint oj na kamlahi ando pradipe te dschila taj phentscha, hot ada uso Lovara nan afka.

Jek nevi diva upro them ali

O Miso Nikolić, la Ruzsakero mursch oda sina, savo la ando pradipe bitschatscha. „Man mri gitara ando verda hi, sikavas amare pajtaschenge, sar o Roma mulatinen“, sina o alava ande oja cajt.

Na tschak ada kiratiske o jerinipe igen baro sina. Ando arte divesa i Ruzsa but mangipenca, use tschordi uli. Jek nevi diva upro them ali.

I Ruzsa bojd ando cile europitike vilagi sina. Oj te ande Kalifornija taj ande Japan dschilatscha. Taj te upro bare thana la Austrijatar, afka sar andi Staatsoper, ando Burgtheater,upro Heldenplatz, i Ruzsa dschilatscha.

Muguli o mulipe lakere tschauistar Sascha ando bersch 2004 taj o mulipe lakere murschestar Miso ando bersch 2007, lakero kamipe usi muschika naschtig phagla. Pal jek harno nugodinipe, i Ruzsa Nikolic Lakatos pra neva bandaha, ando bersch 2010, dromeske geli.

Jek nevi CD-jakeri produkcijona taj but koncertscha, jeke galajiskere koncertiha ando 15.12.2011 ando Porgy & Bess, kisetim ule. Lakero miks, tradicijoneli, schukar Romengeri muschika le ungrike khelipeskere dschilenca, sakoneske tecinel.

Buteder pedar, schunen tumen hetvin andi sendung „Roma sam“ upro Radijo Burgenland.