Boschitschane tradiciji agun taj adi

Adi i boschitscha, o kristscha taj te avre ojs familijakero mulatintschago, mulatinen. Aja tradicija 1535 le Martin Lutheristar ojs alternativa usi dschijakana dipeskeri tradicija upro Nikoloskero Di bulhardi uli, kaj o interesi le tschavendar upro Deloro taj na upro dschelnengero patijaripe te dschal.

Mindenfelitike phure taj neve tradiciji

Ande römischi-katolischi familiji o tschavengero dipe meg dugi cajt upro Nikoloskero Di sina. Use ale phure taj neve tradiciji andral mindenfelitike vilagi, afka sar o betschujakere kheliptscha sajt o 11to schelberschengero, akor o upre schuschardo boschitschano kascht (ando 16to schelberschengero), i adventiskeri keresuja (1839) taj o boschitschano mursch (ando 19to schelberschengero).

Afka sar use avre flogi, te usi flogoskeri grupn le Romendar o tradciji jek barikano than ande len. Usar o but boschitschane historiji, bajder le boschitschane dschilavipeha taj –muschikakere cidipeha dschi otscha uso boschitschane kivaniptscha save prik ande on, i paleta dschal.

Sar agun uso Burgenland-Roma i mirni cajt sina taj sar li akan dschivdi ol, schunen tumen hetvin andi sendung Roma sam upro Radijo Burgenland.