Romane-Gada ojs botschoft

Ando ungriko valami 90 procentscha le Romendar ando tschoripe dschin. But lendar buti na laken vaj uschtiden. I desajnerkija Erika Varga pra Romana modejaha barikane gejng likerel.

I Erika Varga beschel ande jek baro kher ande Budapest use jek maschina te sil. Oj butschalinel use jek tan tradecijakere gadendar le Romendar, feschtime bokretenca. Kada li bojd kisni hi o falato jeka aguna duga roklaha kombinirinel but kalipeha use jek nevo harno desajnerjakero kload. I Varga siklimi somnakuni kovatschkija hi taj angle poar berscha upri moda prik uschtatscha.

"Man imar mindig duj kamiptscha sina. I tradicijoneli kultura le Romendar bajder te del taj krejativ te ol. Mre desajnerjakere kojeha schaj so duj khetan kerav, krejativiteta taj Romengeri kultura.

Me mindig buti te kerel kamahi, savi na tschak mange barikane hi, ham te le Romengere khetanipeske latsche kerel. Taj me gondolinav, te le Romenge ada latscho hi, akor te le avre manuschenge ada latscho hi. Afka schaj so duj riktscha siklon, sar schaj latsche khetan dschin."

Jek khetanipeskeri misijona

Oj o gada le Romengere dschuvlenge taj le gadschikane dschuvlenge glajch kerel, phenel i 44 berschengeri Erika Varga. O gada odola te ledschen savenge tecinen. Oj ham te khetanipeskera misijonatar vakerel: te sikal, hot te andar o tschoripe le schaj schofines, taj te o becug usi Romengeri kultura naschajs. I Erika Varga jek falato le rodime lojendar ande socijalakere projektscha ande bescharel, krejativengere kursenge tschore tschavenge, sijavipeskere kurstscha Romane dschuvlenge, savi oj cajtakere desajniske le loschanel probalinel. Lakero gondo hi: gada ojs botschoft na but alavenca.