Pijanisto & komponisto Adrian Gaspar
On demand | Roma sam | 15.12.2014
Dieses Element ist nicht mehr verfügbar
Radijo Burgenland | Roma sam
15.12.2014 | 20:50-21:10 orenge
Radijo Burgenland | Livestream
Pijanisto taj komponisto
O Adrian Coriolan Gaspar jek rumenitike-austritiko pijanisto taj komponisto hi. O Gaspar ande Pojejena (Rumenija) taj te ande Mössingen ojs dscheno jeka bara familijatar upre bartschino, savi uso Romengero tschulipe kerinel. Ov jek nimtschka tschibtschakeri ischkola ande Caransebes kher rodija, kaj ov te pro erschti klavirakero siklipe uschtidija.
Julius Horvath
But rikakero kinstleri
2005 o Adrian Gaspar o „Adrian Gaspar Orchestra“, savo ando austritike mediji ojs i „lek terneder ajgeni Jazz Big Band le themestar“ akardo ulo, kertscha. Aja banda o publikumiskero patijaripe uso Austrian World Music Award 2006 uschtidija.
La „Adrian Gaspar Gypsy Comboha“, jek avro projekto, savi pe upre Gypsy- taj Balkan muschika schpecijalisirintscha, ov 2007 o pomoschagoskero patijaripe le Austrian World Music Awardendar, jerintscha. Ando glajchi bersch ov o „Adrian Gaspar Trio“ kertscha, saveha ov ande Washington D.C., London, Paris, Madrid, Berlin taj te ande Tunis koncertscha cidlahi.
Julius Horvath
Ando projekto „Amari Roas – Unsere Reise“ portretirintscha o farajn KARIKA le barikane Romengere-muschikaschi, savo pe pre keripeha la flogoskera grupnake andi scena bescharel.
Buteder pedar o Adrian Gaspar, schunen tumen hetvin andi sendung „Roma sam“ upro Radijo Burgenland.