Pal dschumipe la diskriminacijatar andi Tschechija

But manuschengere tschatschipengere organisaciji o ar granicalinipe le Romane tschavendar ando tschechitiko ischkolakero sistemo upre sikade. Efta berscha pal jek phendo le europitike krisistar le manuschengere tschatschipenge i situacija na feder uli, phentscha i Amnesty International.

O Straßburger birovtscha akor ar kerde, hot o dschajipe le Romene tschavendar ande o „Sonderschulen“ andi Tschechija ojs diskriminacija te dikel hi. Romane tschave jek tritl le ischkolaschendar terdscharen taj afka jek igen utscho falato, phenel o manuschengero tschatschipaschi.

O ischkolakero ministerijum ande Prag i kritika pal dschuminel. Amen le cilenge amen ande bescharas, kaj o cile o glajchi sikadipeskero schajipe te uschtiden. Andar o valami 10 milijoni manuscha andi Tschechija valami 200 000 le Romengera tschulipestar an.