Gledaloskere kipi | Romnija ando maschkaripe

Andar o austritiko ardikipe o Roma butvar na latsche dikle on (diken o anticiganismusiskero pisinipe le Romano Centrostar, 2013). I intoleranca igen hor beschel. Kipi butvar individujeli hi taj o dikipe upro barikanipe taj upro tschatsche fakti butvar pharjaren.

On demand | Roma sam | 10.11.2014

Nisaj bastalo keripe

Kipi, manuschendar nisaj bastalo keripe hi. On andar oda ari an, so o dschene te sikal dschanen vaj kamna, andar oda ari an, so o kiposinaschi vaj i kiposinaschkija te dikel dschanen vaj kamna taj andar oda ari an, so o dikaschtscha esbe len. Mindig dikiptscha del, mindig and fojiniptscha le siklimestar del, imar kojendar save dikle ule, phenel o kiposinaschi, Michael Schmid.

Khetano than

Trin tikne seriji Romane dschuvla andar o projekto Detva le Themeskere Kherestar Gereci ando centrum le forostar Banska Bystrica ande mindenfelitike keriptscha sikal. Ando maschkarutnipe adale keriptschendar o nucinipe terdschol, o and lipe le pradime thanestar duach o Romnija. O kipengere seriji andar i khetani buti maschkar o kiposinaschi taj o Romnija kerdi uli. Jek ar gejipeskere gendo latsche konceptiha taj le ciliha, o dikiptscha te irinel taj tradirime angle terdschariptscha palal te phutschel, afka o Schmid.

Gledaloskere kipi

Gledaloskere kipi schaj kivanipeskere kipi dschangarel. Falati avral o dikipe te sikal. Ande ada peripe o gledalo le dschenen, save upri rik terdschon vaj upri rik le pradime thanestar dschumim on, ando centrum terdscharel. O Romnija na terdschon ando dikipe, on ando maschkarutnipe le keripestar terdschon.

Pasche o kipi le Michael Schmidistar te o eksponatscha le Romengere kiposinaschiskere kinstleristar Julius Horvath te dikel sina.

Buteder pedar, schunen tumen hetvin andi sendung „Roma sam“ upro Radijo Burgenland.