O terdschojipe la masuna khangerijatar uso Roma

But schelberscha o Roma i diskriminacija taj o argranicalipe esbe iste line. O barikano arakaripe, savo pumenge o Roma le mindenfelitike patschajipeskere khetanipendar uscharde, te ande but periptscha ar atschino.

On demand | Roma sam | 29.9.2014

O Gustav Reingrabner jek austritiko masuno-luteranischi raschaj hi. Usar o bersch 1975 dschi uso bersch 1994 ov o superintendento la masuna superintendenturatar A. B. ando Burgenland sina.

Ojs visenschoftleri o Gustav Reingrabner upri historija le protestantismusistar andi Austrija schpecijalisirim hi.

I khangeri ando tradiptscha involvirim sina

„O argejipeskero gendo mange o esbe lipe sina, hot i khangeri, buteder vaj tschuleder duach lengere ledschaschtscha ham te duach lengeri religijona, use igen, igen but phutschajiptscha le entviklinipestar, palvakeripe lija“, phenel o Gustav Reingrabner.

„Akan te dschanav, hot jekoschne masune, anglo taj maschkar o haburi, uso bibastale tradiptscha gejng i flogoskeri grupn le Romendar, use sina“, afka o Reingrabner.

Sar o terdschojipe la masuna khangerijatar uso Roma sina, schunen tumen hetvin andi sendung „Roma sam“ upro Radijo Burgenland.