Francitiko thaneskero rot faurtajlim ulo

Jek francitiko kris jeke thaneskere rot taj biro faurtajlintscha vascho arphenipe uso murdaripe le Romendar taj Sintijendar maschkar i NS-diktatura. Gilles Bourdouleix kedenate vascho „Schukar keripe vascho faphageripe gejng o manuschipeske“ use jek potschintschago 3000 eurojendar faurtajlim ulo.

„Schaj hot tschule lendar murdarde ule“

O duge berscheskero biro le gavestar Cholet ando juli 2013 use jek cinkolinipe le Romenca taj Sintijenca, save ilegali upre jek mesuja leskera gemajndatar kampirinde, phentscha, o hitleri „Schaj hot tschule lendar murdarde ule“. Jek journalisto le papruschengere nevipesatar „Le Courrier de l’Ouest“ ada arphenipe upre lija, taj o papruschengero nevipe ada upre limo ando internet le pradipeske tschitscha. Andop jeneri ov adale arphenipeske 3000 eurojenca upre beverinipe faurtajlim ulo.