CCIT-Talalinipe 2014

Angle 38 berscha ando foro Paris o „Internacijonali Komite le Romenge“ le Yoshkastar (Abbé André Barthélémy) kerdo ulo. Usar o kesdipe aun, o Roma jek barikano aunpaschlojipe le Yoshkaske taj leskere butschaschenge sina. Vaschoda i khangeri pedar o granici taj upre jek internacijonali basis adala etnijake aun pe lel.

On demand | Roma sam | 28.4.2014

Le manuschiske te pomoschinel

„Le manuschiske te pomoschinel, leskeri eksistenca upre te likerel, leskeri socijali situacija feder te kerel taj i tschatschipeskeri situacija te soralisarinel“, jek le cilender hi, savo peske o komite upre dija. „I khangeri aktivi use te butschalinel kamla, kaj i flogoskeri grupn le Romendar jek than ando khetanipe te uschtidel“, phenel i Monika Scheweck, savi uso ada berschengero CCIT talalinipe ande Cavallino, ando paschipe la Venecijatar use sina.

Visijontscha barikane hi

O „visijontscha barikane hi“, mint te odolenge palal gejal taj te len prik beschartschal, akor so duj riktschenge tschak sa ando latschipe pe irinel. „Barikano ham te hi, hot o Roma taj o gadsche jeka khetana cukunftake sorale pumen keren“, phenel i Monika Scheweck.

Buteder pedar, schunen tumen hetvin andi sendung „Roma sam“ upro Radijo Burgenland.