Muschikaschi taj pisimaschi Mongo Stojka mulo
Radio Kaktus 20.5.2013 | Artschiniptscha andar o vodschikano vakeripe la SHOAH Foundationaha le Mongo Stojkaha.
Dieses Element ist nicht mehr verfügbar
Tschak tschule prik dschivde
Le Mongo Stojkasiskera bara familjiatar tschak ov, schtar phenja, phrala taj leskeri daj o logeri ter dschivde. „Tschak schov dschene mra familjatar kher ale“, phenel o Stojka butvar. Leskero terno phral Osi ando Auschwitz mulo, leskero dad ande Dachau murdardo ulo. Kaj o avre 200 schel leskera familjiatar taj leskeri baba murdarde ule dschi adi ov meg na dschanel.
But berscha ov nischta pedar ada so lenca kerdo ulo valaso phukavlahi, pedar o manuschengero hasinipe taj ada horror. Ande leskeri erschti kenva „Papierene Kinder“ kesdintscha ov pedar pri familija te pisinel.
Barbara Tiefenbacher
Barankapark | phendo sar upre leskeri baba Baranka
Duach o keripe le Mongo Stojkasiskeri palgondolipeskeri buti butschol i Hellerwiese, dschi uso tel utscharipe „Belgrader Platz“ phenahi, akan oficijeli „Barankapark-Hellerwiese“. I Baranka, i kamli baba, saveskero anav o Mongo Stojka use sako koja but kistavipeha angle asdel, ando astaripe la NS-atar peli, sar o avre dschene la familjatar Stojka upri Hellerwiese.