Mulatintschago & CD-presentacija

I Flogoskeri Utschi Ischkola le Burgenlanditike Romendar, suboton ando 14. decemberi 2013 uso kisetinipeskero mulatintschago le jubilejumiskere berschistar „20 berscha aunprindscharipe le Romendar ojs flogoskeri grupn“ taj usi CD-presentacija la Roma-Bandatar „Romano Rath“ ando Pradimo Kher Erba (OHO), akartscha.

On demand | Roma sam | 23.12.2013

O aunprindscharipe le Romendar ojs flogoskeri grupn ando bersch 1993 telal o burgenlanditike Roma, micinipe antscha. Butvar la ajgeni historijaha, kulturaha taj tschibtschaha donde pumen bescharde. I romani tschib, jek varijateta andar o Romani, savi schpecifischi le Romenge, save ando Burgenland dschin, use jek barikano faktor le neve gondostar taj uso upre likeripe la dajakera tschibtschatar, ojs lek barikaneder aun paschlojipe, vodintscha. Use kerinel te o upre lipe la romana tschibtschatar ojs dschilakero vakeripe. Terne Roman andar i Erba ande oja cajt i banda „Romano Rath“ kerde, save pumara muschikaha buto uso entviklinipe la ajgeni mulatintschagoskera kulturatar, use ledschine.

Muschikakero uschtipeskero gendo sina i presentacija la neva CD-atar „AMARI MUSCHIKA“ la burgenlanditika Roma-Bandatar „Romano Rath“. O Gustav „Tita“ Horvath, o Markus Horvath, o Marcel Horvath taj o Markus Sarközi pumari dujti CD ari ande, savi ada bersch andi khetani buti le ORF thaneskere schtudijoha Burgenland, upre lim uli.

Buteder pedar, schunen tumen andi adivesakeri sendung „Roma sam“ upro Radijo Burgenland.

I CD telal: www.lexliszt12.at, info@lexliszt12.at vaj ande kenvakere boti, kindi schaj ol. ISBN: 978-3-99016-055-8, € 15,00 taj o bitschajipeskere loj.