„Me cajt te schejnkinel kama...“

O kovatschi taj kinstleri Karl Horvath, dscheno la flogoskera grupnatar le burgenlanditike Romendar, suboton ando 16. novemberi pal pharo sastipe, mulo. O Karl Horvath ando 16.03.1950 upro them alo taj Mattersburg upre bartschino.

Ov kovatschi siklino taj usar o bersch 1972 ojs kovatschiskero moasteri tikni firma le sina, butvar dschi 12 dschenenca.

„So avre ojs pisimaschtscha vaj kipenca ardschuminen, probalinav me la kovatschiskere butjaha te sikal. Mint moleri na ojav, te pisimaschi na, me kovatschiskeri buti kerav. Oja buti siklijom“

Pal pharo nasvalipe ando 80te berscha leskeri buti mindig buteder use leskeri mangli buti uli taj te jek mangipe alo, leskere kinstlerischi ardschumipeskere schajiptscha socijali keripeha, khetan te phandel.

Sakoni, leskere skulpturendar, jek hori gondo sikal. Use projekti ande andrutne- taj avrutne vilagi, khetan terne manuschenca kovatschiskeri buti kerlahi, kaj len jek falato lengere dschivipeskere dromestar schaj vodinlahi.