24to flogoskero grupnakero kongreso

Tschetertekon ande Klagenfurt o 24to europitiko flogoskero grupnakero kongreso tel likerdo ol. Ada bersch i tema „Natschuliptscha taj tschuliptscha ando cajtakero irinipe“ hi, o anglevakeriptscha le multi etnischi dschenenca andar i Bukowina, le nimtschkenca andi Slovenija, ham te le Romenca taj Sintijenca andi Austrija, donde pumen bescharen.

O le flogoskere grupnakere phutschajipenge use terdschimo thaneskero schero andar Kärnten Peter Kaiser (SPÖ) adi ande jek reporterengero vakeripe phentscha, hot o temtscha le flogoskere grupnakere kongresostar soraleder andi cukunftakeri rik iste vodim on. „Ada bersch le cajtajeri irinipeha“ donde amen bescharas. Adaj barikano hi, kaj i phuri cajt te hajojas, o dikipe ham angle iste tschito ol.

Flogoskero grupnakero büro | Butjakero than le dialogoskere forumistar

Organisirim ol ada mulatintschago le flogoskere grupnakere bürostar la thaneskera regirungatar Kärnten, savo pasche pri funkcijona ojs dijanst- taj servicejakero than le dschenenge ande Kärnten, save i slovenitiki tschib vakeren, akan meg jek buti usi uschtidine. „O büro akan te o butjakero than le dialogoskere forumistar hi, savo palo khetan peripe ando gaveskero tablinengero phutschajipe, kerdo ulo“, phentscha o Kaiser. Ov ada dialogoskero forum andar jek Dornröschenakero sojipe dschangartscha, kado ov o thaneskero schero ulo, taj ande ada kurko papal jek talalinipe dela. O forum lila te flogoskere grupnakere organisacijendar butschalinel, afka sar o gondi le rotistar le Kärtner slovenitikendar, ando lejcti kurko.

Link

XXIV. Europäischer Volksgruppenkongress des Landes Kärnten 2013