Roma taj Sinti | Palutni taj adivesesakeri cajt

I VHS le burgenlanditike Romendar presentirintscha ando ar le aprilistar i dujti kenva le „Schlaininger Gespräche"jendar: "Roma und Sinti - Vergangenheit bis zur Gegenwart“. Ando vakeripe le ari dijaschenca Rudolf Kropf taj Gert Polster odola phende, sar o gondo use ada barikano ardipe alo.

On demand | Roma sam | 15.5.2017

O Rudolf Kropf phukal, pedar saj temtscha ande o duj kenvi taj angle vakeriptscha ande Schlaining vakerdo ulo. Leske barikano sina, jek aunsoc te lakel, kaj but visenschoftlertscha andar mindenfelitike butja use schaj butschalinen.

Visenschoftlertscha andar i Austrija, Ungriko, Horvacko taj Slovakija sar fatretertscha andar Roma organisaciji uso „Schlaininger Gespräche“ 2014 taj 2015 la flogoskera grupnaha le Romendar taj Sintijendar andi palutni taj adiveseskeri cajt donde pumen bescharde. O ari dijaschtscha phenen, hot tschule angle vakeraschtscha söbst andar i flogoskeri grupn sina.

„Zigeuner“ konskriptcijona

O ari dijaschtscha visenschoftlich la tematikaha donde pumen bescharde. O Rudolf Kropf taj o Johannes Kepler andar i universiteta Linz ar pumen bescharde la „Zigeuner“ konskriptcijonaha ando dujto epasch le 18. schelberschengerostar upro ungriko than taj afka schaj sikado ulo, hot o ungrike Roma imar ande aja cajt beschte sina.

O Gert Polster pedar i historija la flogoskera grupnatar ande Sulzriegel ande Burgenland forschintscha. Ande ada kompendijum enja forschinipeskere ar ajiptscha ande hi taj o dschivipe la flogoskera grupnatar ando maschkarutno europitiko than sikal.

Link

Schlaininger Gespräche