Servus | Szia | Zdravo | Del tuha | 10. juni | ORF 2 Burgenland

„Schicksalsjahr 1938, NS-Herrschaft im Burgenland“. Telal ada alav vidminel pe o aktujeli arterdscharipe ando jubilejumakero bersch jek schitikne kapitelistar la historijatar ando Burgenland. O adivesakero ardipe la sendungatar SSZD meg jek avre jubiljumiha donde pe beschartscha. O Roma taj o Sinti mulatinen ada bersch pumaro 25. berschengero jubiljeum ojs flogoskero grupn.

On demand | Servus | Szia | Zdravo | Del tuha10.6.2018

O arterdscharipe ando thaneskero musejum andi Tikni Martona phukal i persenlichi historija dschenendar andar o bersch 1938. Telal o Roma, Dschidovtscha taj avre politisch gondolime mangla o nacijonalsocijalistischi teror ando Burgenland bojd 9000 opfertscha, save murdarde ule.

„25 berscha aunprindscharipe“

O politischi aunprindscharipe andi Austrija ando bersch 1993 sina.

Kaj ada schaj kerdo ulo, sina o keripe terne Romendar taj le Rudolf Sarközistar, savo igen frija amnendar gelo. Jek avro barikano protagonisto o Emmerich Gärtner-Horvath andar o farjn Roma-Service Erbate sina.

Muschikani ischkola barikane tschavenge | Ferenc Snétberger Music Talent Center

Ov jek gitaristo hi bare vodschiha. O 61 berschengero Ferenc Snétberger, savo ando norditiko ungriko upro them alo taj andar i flogoskeri grupn le Romendar al. Ojs schtudento ov armaja tschitscha, hot ov jefkar terne talentenge pomoschinla. Ov akan barikano muschikaschi hi.

Ov ande Berlin dschil taj upro cile jazz- akere bühnen cidel taj upro Balaton jek centro le hi, o Ferenc Snétberger Music Talent Center, kaj le terne barikane tschavenge pomoschinel. Leskera butjake la „Eisenstädter Stiftung Vis Fontis“ pomoschim ol.

10. berscha gondolipeskero mulatintschago Baranka Park

Ada bersch imar o deschtovar ando Baranka Park o gondolipeskero mulatintschago ando betschitiko becirk Favoriten tel likerdo ulo. Ov sako bersch le farajnistar „Voice of Diversity“ ando 20. maj, kaj o Johann Mongo Stojka, muschikaschi, pisimaschi, prik dschivdo le logeristar taj cajtakero ceuge, upro them alo, organisirim ol. Upro Roma taj Sinti gondolim ol, savo le nacijonalsocijalistendar murdarde ule. O gondolipeskero mulatintschago te ojs khetano „mulatintschago le dschivipeske“ diklo ol. 

1. katholischi Sintijakeri mischa ande Karnabrunn

Ando maj o erschtivar jek katholischi Sinitijakeri mischa andi khangeri Karnabrunn andi Telutni Austrija tel likerdi uli. Kerdi uli aja barikani mischa la Sinti familijatar Weinrich taj le bare raschajistar Franz Scharl Betschistar.

Ande pro vakeripe o baro raschaj Franz Scharl upre sikal, saj barikano i tschib ande Sintikes hi. O barikano prindschardo Sinto muschikaschi Zipflo Weinrich jek ajgeni mischa komponirintscha taj o kirati dschilenca andi Sintijakeri tschib vodintscha.

Servus | Szia | Zdravo | Del tuha | 8. april | ORF 2 Burgenland
10. Gondolipeskero mulatintschago Baranka Park | Mulatintschago le dschivipestar