Pragiste kesdinel o festivalo „Khamoro“

Le koncertoha upri Prager Moldauinsel Střelecký ostrov kurkeste ando tschechitiko foro Prag o festivalo Khamoro prado ulo. Khamoro – o kham o simbol valasostar hi, savo le cilen khetan phandel taj savo le cilenge loschanipe anel.

Upro programo le festivalostar terdschon Romani kultura tradicijoneli Romani muschika taj o „Gypsy-Jazz“ artschijiptscha, teateriskero sikajipe, jek konferenca pedar o terdschojipe le Romnendar sar jek modejakero sikadipe.

Uso ada barikano festivalo o feschtimo phiripe le kinstlerendar duach o centro Prag hi. Sar sako bersch o utschipeskero punkto o galakero koncerto ando club SaSazu hi.

O festivalo le farajnistar „Slovo 21“ kerdo ol.