25 berscha flogo | Emmerich Gärtner-Horvath

O Emmerich Gärtner Horvath baro pomoschago use kertscha, kaj o Roma ojs flogoskeri grupn andi Austrija aun prindscharde ule. Andi aktujeli sendung Roma sam ov pal gondolinel upri cajt anglo aunprindscharipe taj o drom, savo o agune terne Roma pal iste tschite.

O bombakero atentato Erbate, duj berscha palo aunprindscharipe, jek bibastalo ande tschinipe la flogoskera grupnake sina.

Ojs jek barikano projekto, ando lejcti 25 berscha, dikel ov i Romani tschib. O Emmerich Gärtner-Horvath pe imar but berscha ande bescharel, kaj i kultura i Romani tschib le burgenlanditike Romendar upre likerdi ol. Ada baro aunpaschlaripe le farajn Roma-Servicejistar, savo 2003 Erbate kerdo ulo, hi.

1989 sina terne Roma le Emmerich Gärtner-Horvathiha, save le aunprindscharipeske le Romenge kejmpfinahi. Adi del papal terne Roma, save pumen meg mindig la historijaha le Romendar taj le upre butschalinipeha odolatar donde bescharen. Lek barikaneder leske hi i posicinirung ojs Rom/ni taj ojs manusch gejng o na tschatschimo taj diskriminacija te terdschol. O Emmerich Gärtner-Horvath la cukunftake peske kivaninel, kaj i flogoskeri grupn pe ando medijakero koja schaj feder posicijonirinel.

Link

Verein Roma Service