Tschibtschakero vakeripe anglo keripe al | katalogiskeri presentacija
Sikado ol, hot o kipi taj o umgejipe lenca usar o argejipe le tschasariskere rajipestar dschi adi, nisaj pricipijeli mindenfelitike koji, upre sikan.
Tschibtschakero vakeripe anglo keripe al | khetan hejnginipe la tschibtschatar, le rasismusistar, la virtschoftatar taj la soratar
Katalogiskeri presentacija taj artschijipe
Lecture la Marina Gržinićatar
7. merc 2018
19:00 orenge
VBKÖ | khetanipe sikadipeskere kinstlerkijendar la Austrijatar, Maysedergaslina 2
1010 Betschi
Artschijipe
Aun dikiptscha uso umgejipe la VBKÖ-jatar | khetanipe sikadipeskere kinstlerkijendar la Austrijatar lengera NS-akera cajtatar
Marika Schmiedt | Artbrut
Uso katalogo | pal i Marina Gržinić
Tschibtschakero vakeripe anglo keripe al, andar mindenfelitike kiposime taj tel dschuminde materijaltscha hi, save historischi archivirime dokumentscha sikan taj odola le aktujeli on- taj offline-materijaliha paralelisirinel, savo butvar Romen rasificirinel. Duach la Marika Schmiedtakeri buti sikado ol, hot antiromajismus jek sorali maschinerija la diskriminacijtar hi, terdschardi gejng oda vaj odola na kamle „avre“, hat o Roma, pisinel i filosofkija taj kinstlerkija Marina Gržinić.
ORF
I Schmiedt o sajt but schel berscha dimo antiromajismus upre sikal, savo na bejg gelo vaj tschuleder ule, savo ham akan pri forma irintscha. O antiromajismus akan usar o kale taj parne kipi ando utsche glicarime feschtime kipi prik gelo taj use sugestivi anava, save akan online dim hi.
La Schmiedtakeri buti na handlinel tschak le pal gejipestar upro tel dschumime Roma, afka i Gržinić, ada jek temporeri, te na muguli jek simptomatischi „phagipe“ andi historija le na dikipestar le Romendar hi. O forschinipe la kinstlerkijatar te pedar oda handlinel, hot o kontinujirlichi praktiki taj historiji la diskriminacijatar, marginalisirinipe taj segregacija na pobisterde on.
ORF | Yvonne Strujic
Marina Gržinić | filosofkija | tejoretikerkija taj kinstlerkija | profesorkija la konceptujeli kunstake (Post-Conceptual Art Practices)andi akademija la sikadipeskera kunstatar Betschi