Gondolipeskero mulatintschago Batschibate taj Lackenbach

O aktujeli ardipe la sendungatar Roma sam ledschel duach duj barikane burgenlanditike gava, ande save adi le dujte haburistar ledschime taj murdarde Roma taj Sinti gondolim ol: Batschibate taj ande Lackenbach.

On demand | Roma sam | 20.11.2017

Ando nacijonalsocijalismus valami 93 Batschibakere Roma ledschim taj murdarde ule. Adale manuschenge i lejcti paraschtuja gondolim taj pedar i historija pal gondolim ulo.

Ando keripe jeke ökumenischi gondolipeskere mulatintschagostar jek tablina le pradipeske prik dim ulo, savo upro ada bibastalipe pal te gondolinel te mukel.

Paloda jek literarischi taj visenschoftlichi perspektivtscha le pal gondolipeske le Romenge Batschibatar presentirim ulo.

O arto di, suboton, palgondolintscha i flogoskeri grupn le Romendar le regirungakere fartreterenca upro aguno „Zigeuneranhaltelager“ ande Lackenbach.

Schoha te pobisterel schoha tikne te vakerel tromal o faphagipe le nacijendar kerdo te ol. Schoha pobisterdo te ol troman o opfertscha le naci reschimistar - tel lende te but Roma taj Sinti sina.

Duach i sendung Roma sam vodinel tumenge, so duj gondolipeskere mulatintschagi i Susanne Horvath.