I kenva | „Glücksmacher - e baxt romani“ upro drom la bastake

Usi kenva Betschiste 17 presentirinde o phrala Mágó Károly taj o Samuel Mago pumari erschti kenva „Glücksmacher - e baxt romani“. Andi dujtschibtschengeri kenva, andi nimtschki taj Romani tschib 13 harne historiji ande hi, save tschatschikan terdschivde ule.

On demand | Roma sam | 13.11.2017

O lejcti 100 berscha ande phukade on, andar o dikipe le Romendar, diklo andar i perspektiva la ajgeni familijatar, phenel o Samuel Mago ande „Roma sam“. Adala hi o historiji, save leskeri familija bajder dija taj pedar Budapest taj Betschiste terdschivde ule. Ando phukajiptscha dschal sar i familija pumari bast kisetinde taj so vasche iste sa kerde.

O dschivipe i historija le Romendar hi taj na tschak andar traumatisirti taj tradipeskere terdschiviptscha pe haundlinel. Buteder fejst te likerel hi, kaj o Roma pumaro thana, o khetanipe, kaj on atschnahi kulturakere keripeha barvarjarde taj bast lenge ande, phenel o pisinaschi Mago. I kenva „Glücksmacher - e baxt romani“ adale gondoha diklo te ol, kaj te upre but magischi aspektscha diklo ulo, sar o Roma pumare „Aberglaube"iha um dschan taj saj koja, o bolajipe, o bijav ande lengero dschivipe kheltscha taj khelel, phenel o Mago meg use.

O phukajiptscha sa jek ajgeni koja phukan, kekaj vaschoda, on ham andi tematik taj vascho sorale phukajipengere dschene khetan phandle le hi, phenel lo.

2015 o Samuel Mago o "Exil-Literaturpreis“ andi kategorija „terne“ uschtidja. 2016 o „Roma-Literaturpreis“ le PEN Club-istar jerintscha. I literatura andi familjia le phralendar Mago mindig imar barikane sina, pasche i muschika, savi ande lengeri familija, ande lengero dschivipe taj te ande lengeri historija, dschi adi jek barikano than ande lel.

Tip

„Glücksmacher - e baxt romani“
edition exil | ISBN: 9783901899782
kenva 208 riktscha